مين يحن على الغلابه
مين يحن على الغلابه
نشر في 23 مارس 2017 وآخر تعديل بتاريخ 30 شتنبر 2022 .
اغلب من الغلب يا با
عايشين ومش عايشين
مين يسمع مين يشوف
تايهين وسط الوف
اغلب من الغلب وياما لسه هنشوف
ده الفرح خاصمنا من يوم ما وعينا على الدنيا
الحزن عشش جوانا والفقر ساكن معانا
والكلام مات جوانا
العيشه بقت ضنك مين يسمع مين يحس
اللقمه بندور عليها وسط الزباله
حرام ده ولا حلال يا با
الفقير مظلوم وسط الديابه
اللى فوق بياكل اللى تحت سرقه ونهب
والغلبان وسطهم مالوش بخت
ضايعين تايهين وسط الملايين
مين يسمعنا وازاى يسمعنا ده الكلام فى الحلق مزنوق
مخنوق واحنا معاه بنموت
الغلب بقى مكتوب عنوان لبيوتنا
الفقر مرسوم على وشوشنا
الحزن منقوش على حيطانا
اتلونت به شبابكنا
وايه اخرتها والله مش حاسبنها
يا اللى فوق بص على اللى تحت التحت
ده احنا بقينا اغلب من الغلب
حنوا على الغلبان اكسبوا فينا ثواب
مدوا ايديكم لينا من فقرنا انقذونا
احنا بنموت كل يوم مش لاقين حتى قوط اليوم
اه يابا مين يسمع مين يفهم مين يحن على الغلابه
Noha_Haikal
التعليقات
لطرح إستفساراتكم و إقتراحاتكم و متابعة الجديد ... ! تابعنا على الفيسبوك
مقالات شيقة ننصح بقراءتها !
مقالات مرتبطة بنفس القسم
ما بين التثقيف والتصفيق فى الجمهورية الجديدة!
دائماً ما كانت «الأنظمة» تستخدم «المثقفين» للترويج لأعمالها ومشروعاتها(هذا إن افترضنا أن هذا النظام يمتلك مشروع بالفعل)، ولكن فى الماضي كانت هناك أنظمة «عاقلة» ومثقفين «موهبين» قادرين على الحفاظ على الحد الأدنى من «الاحترام» والمعقولية فى «الطرح» و فى مستوى
