ببساطة نشوف اللي جاي فيه ايه ورايحين علي فين.

الوضع ده ليه ٣ سيناريوهات هنقولهم وبعدين ايهم الارجح انه يحصل وليه..

الأول كرؤية اقتصادية .. مستوي ال١٥ ج بيمثل مقاومة قوية في الأغلب السعر هينزل تاني ل١٤ج او ١٤ونص كهبوط تصحيحي وبعدين يطلع تاني.. ولو طلع وكسر ال١٥ج في الصعود التاني ده يبقي في الأغلب هيوصل لل٢٠ج سهل جدا بعد كدا كنقطة مقاومة اللي بعديها ايا يكن الوقت اللي هيحتاجه لكن هيوصل ل٢٠ج لو كسر ال١٥ج.

الثاني كرؤية مؤامرة .. ان النظام السياسي بيستخدم الدولار في مسرحية انه ما دام هيعلي مثلاً يرفعه جداً بحيث يوصل ل١٥ج وبعدين ينزله ل١٣ج ويبقي نظام قوي وأخذ إجراءات حاسمة وقدر يسيطر ويحجم الاقتصاد مع انه بال١٣ج زاد لكن بطريقة كركر "حلوة الصيغة دي"

التالت .. ان الارتفاع المجنون في فترة قصيرة بهذا الشكل ممكن يكون سببه حاجة سيئة او حاجتين ان الدولة بتطبع فلوس كتير فبتعمل تضخم وفي نفس الوقت بتسحب الدولار وتعطشه بمعني من الناحيتين, عشان الارتفاع المجنون في فترة صغيرة لازم يكون ضرب من الناحيتين..

الأقرب بالنسبالي هو التفسير الأول اللي مفاده انها باظت والدولة ليس لها سيطرة.. ولن تسطيع فعل شىء علاج ولا مسكنات حتي.. وأصبحت كرة ثلج ولن تقف.

خاصة أنه ليس هناك سبل تساعد الدولة علي السيطرة بشكل قوي بمعني الدخل الدولاري ضعيف من جهة السياحة والصادرات تفوقها الواردات بكثير جداً وقناه السويس حتي لا تستطيع تغطية ديون حفر التفريعة بمعني أصبح حلماً لو غطت نفقاتها ,هذا كله مع انخفاض التبادل التجاري العالمي الذي أثر علي دخل قناة السويس نفسها.

التحليلين الثاني والثالث لو صح تصبح هذه دولة لا مؤاخذة والذي يديرها لا مؤاخذة أيضاً..

فليس من القيادة أن تسبب تضخم وارتفاع اسعار من أجل أن نقول انك مسيطر ويتم التصفيق لك في برنامج وأو مؤتمر وتلعب علي مصير ناس مش فاهمة.

انا كنت متوقع يصبح الدولار ب١٦ج من فترة طويلة وكتبت بوست عن كده لما أصبح ب١٤ج.. بس السؤال كان ليه ١٦ج ؟؟

الاجابة لأن ال ١٦ج مهمة لأن هيبقي كسر مقاومة عند ١٥ج وانتهي وأصبحت ١٦ زي ١٧ زي ١٨ لن تفرق كثيراً.. انما ١٦ هي المهم..

وده كلامي في شهر ٧ كان لسه ب١٢ج واللي فوقيه كلامي يوم ٥اكتوبر لما وصل ١٤ج.. لأنها للاسف شكلها هتظبط :/