https://docs.google.com/document/d/1dCoRVPtKTJOWXeBN9u_o9PHbJe2pIkuqWMORBNfeOrs/edit
مناسبة التهديد الإسرائيلى للمسجد الأقصى
وردا على قصيدة العنكبوته
للراجل عبد الرحمن الأبنودى
قصيدة " الصبر "
د. عبدالله البلتاجى
19-9-2015
*********
يا صبر كفايه صبر
وأبعد عن سكتى وناسى
أبعد يا صبر
وكفايه صبر
دا أنت اللى حرقت
دكانى , كراسى
*********
وجنب الحيط حطيت
نمت واتغطيت
وفى المنام لقيت
العنكبوته غيرت جلدها
واتبدلت تعبان كاسر
بيبخ سمه
فى ميتى , وكاسى
***********
وأنا راضى بالهم والغم
وظلم ولاد العم
حطيت أيدى على خدى
وبلدت إحساسى
ودخلت بيتى تعبان
ومن خوفى من التعبان
قفلت بابى , وترباسى
**********
ومر الزمن بىَّ
نهارى نكدحزينه ليالىّ
سلمت أمرى لغيرى
ونسيت نفسى , وناسى
أتارى عدوى
من تحت بابى دخل
وليل ونهار
بيعد أنفاسى
***********
لازم انهض وأقوم
وأنسى كل الهموم
والغضب فى صدرى مكتوم
ألم شملى , وأرفع
بين الأمم راسى
***********
من الساعه
راح أعد العده
ورباط الخيل
وأنسى أوجاعى , وهد الحيل
لازم أقطع التعبان
بمنجلى وفاسى
*********
لا رقص ولا مواوييل
يمكن يرجع أرضنا
ولا غُنى وطنى
ولا شعر حماسى
بالعلم والعمل
بالهمه والأمل
نحقق
نصر عسكرى , وسياسى
*******
بكره يا أقصى تعود
ومعاك نعود
وتعود الناصره , وبيت لحم
وقدس أقداسى
**********
يا وعد يا مكتوب
وفى الكتاب محسوب
تتحقق لما أعود
لدينى
أصلى , وأساسى
-
د. عبدالله البلتاجىwww.albeltagy.com رئيس بحوث متفرغ - مركز البحوث الزراعيه معهد بحوث وقاية النباتات مؤسس حزب المساواه والعدل رئيس جمعية الخدمات المتكامله نائب رئيس الجمعيه المصريه لنهضة المجتمع العلمى مؤسس رابطة آل البلتاجى عضو مجلس إدار ...