السكوت مش رضا ، السكوت على الغلط ما هو الا عهر فكرى.
اتربينا طول حياتنا على ايد مجتمع بيتحكم فيه شيوخ و اعلام و اسر عقيمة فكريا.
لو انت اتحرشت ب بنت عشان لبسها ، لو سافرت فى دولة محترمة هتقدر تتحرش بيها عشان لبسها ؟
اتربينا على الازدواجية فى كل شئ من اول ما بنتولد،
لحد ما بنموت و بينهم عادات و تقاليد شنعاء.
لو حد عايز الحرق عشان خطاياه ف اكيد العادات و التقاليد هى اللى تتحرق.
التحرش بيزيد لان مافيش بنت اهلها هيوافقوا انهم يقولوا ان بنتهم ولد اتحرش بيها عشان نفس الولد ده يتزوج و يتحرش بمراته بالسب و الضرب و الاهانة.
للاسف فيه فئة كبيرة من البنات بتفضل تريح دماغها ، و تعيش مع معاناة نفسية طول حياتها افضل من انها تتكلم.
البنات و الشباب هم السبب ، فيه فئة كبيرة من الرجال محترمة و لكن اتطبعت فكريا بمفاهيم عن المرأة خاطئة.
و البنات اتربت على السكوت و الطاعة و ان هى وجودها اصلا من اول ما تولدت غلط و ان مفروض كانت تبقى ولد عشان يتربى غلط و يبقى شايف ان البنت وجودها و احترمها متوقف على لبسها و طريقة مشيها و صوتها و هكذا...
-
على نور الدينإن عالم “الواقع” لا يكفى وحده لحياة البشر إنه أضيق من أن يتسع لحياة إنسانية كاملة !
التعليقات
أخى لاتترك رأس القضية وتمسك بذيلها ولاتسير مع موجات الجهلاء والعابثين لايصح أن تقول شيوخ واعلام وأسر عقيمة فالشيوخ علماء أجلاء حتى لو كان لهم بعض الأخطاء والأسر هى التى تربينا فى كنفها ولهم الفضل أما الاعلام فأغلبه نفاق وضلال .. فكيف يجتمع الثلاثة فى سياق واحد؟!
أخى الفاضل الحلال بين والحرام بين فلا يترك الرجل أخته أو ابنته أو زوجته تخرج للشارع عارية وتلوم من يتحرش بها .. لقد امر الله فى كتابه العزيز زوجات النبى ونساء المؤمنين بالحجاب والاحتشام وألا يخضعن بالقول لماذا ؟.. فيطمع الذى فى قلبه مرض ..فكل انسان يراعى الله فى نفسه سيحميه الله بفضله من ضعاف النفوس ومرضى القلوب هذا أصل القضية ،وليس الرضا والسكوت على التحرش والعادات والتقاليد البالية فالعادات والتقاليد ليست كلها بالية لأنها جزء من العرف والعرف أغلبه من الدين .
ثانيا وأنت طبيب المستقبل كيف تكون لغة مقالك هكذا أين اللغة العربية السليمة ..لغة القرآن ..تحياتى وكل التقدير وأرجو لكم كل التوفيق..