غريزة سليمة أفضل من عقل مريض - مقال كلاود
 إدعم المنصة
makalcloud
تسجيل الدخول

غريزة سليمة أفضل من عقل مريض

  نشر في 02 ديسمبر 2018 .

" غريزة سليمة أفضل من عقل مريض "

عند ناس كتير بيمثل التفكير 🤔 قبل ردة الفعل 😯صعوبة من العيار التقيل وعشان كده بيفضلوا ردة الفعل السريعة ويحكموا وينفذوا :

Thinking is difficult, that's why most people judge "

✔ التفكير عملية معقدة 🤯وعشان كده اختص ربنا بها البني آدم وميزه بها عن الحيوان، كمان عملية التعقل أو التفكير بتستغرق وقت 🕦 وبتحتاج تأني و حيادية 😇.

✔ ودة السبب في #وجهة_نظري المتواضعة إن في ناس تستسهل و تصدر احكام على الآخرين وتتسرع بالحكم على تصرفاتهم وقراراتهم وتترجم نواياهم بدون معرفة تداعيات القرار او مسببات التصرف بتأني وبطريقة غير واعية 👌🏻👌🏻

قبل ماتصدر حكم أو ردة فعل وتنفذ:

.⬅️ فكر الأول إن مش من صلاحياتك أصلا الحكم على أي شخص...

⬅️ إفصل بين سلوك الشخص معاك ومع غيرك...

⬅️ ارفض السلوك ولكن بلاش تحكم على صاحبه أو تحجر علي تفكيره أو تستنكره عليه…

⬅️ اقبله برغم إختلافك معاه وقدر ظروف انت غير مطلع عليها...

⬅️ افتكر اننا مختلفين عن بعض ومش شرط اللي انت شايفه منطقي يقنعه...

من قصة سيدنا نوح عليه السلام عبر كتير بس أول عبرة خطرت ببالي وانا بكتب هي إنه نادي في الناس ٩٥٠ سنة وحاول يهديهم ويقنعهم ويحذرهم إلا انهم اختاروا الغرق علي النقيض لما نادي في الحيوانات مرة ركبت السفينة 🛶 فورا من غير تفكير أو تعقل...

عمرك شوفت كلب 🐕بيخاصمك؟ بيهجرك بدون سبب؟ بيفتري عليك؟ أو قطة 🐱 تسمع من طرف واحد وتظلمك وتتبلي عليك؟

في #موقف_لا_ينسي رن موبايلي📱والرقم لشخص عزيز بس العلاقة منقطعة من عدد سنين معين... لو قلته هيتعرف السبب، لكن سبب المكالمة مجهول لحد ثانيتين من توقيت المكالمة.

" أميرة... أنا آسف" جملة خضتني 😯ولمستني جدا، ولتوضيح موقفه هو ظالم ومظلوم وبالتالي ماقدرش ألوم عليه لوحده، حقيقي اعتذاره مقبول 👍لكن مش بنفس راضية💁‍♀️، خلاص لا في وقت عندي ولا استعداد لفرص تانية:

Sometimes there is no next time, no timeouts and no second chances. Sometimes it's now or never.

لكن بعد ما قفلت معاه حسيت اننا وصلنا لمرحلة من النضج مش بس العمر والخبرة والتجربة اللي تخللينا مش محتاجين اعتذارات ولا حلاوة لسان ولا مليون آسف علي أغلاط كتير بيعوضوا صدمة الموقف؛ إنما محتاجين:

⬅️ اللي يفكر مرتين✌ قبل ما يفسر نيتك وتصرفك علي هواه،

⬅️ اللي يفهمنا حقيقي مش شايف قشور شخصيتنا،

⬅️ اللي يحكم ضميره قبل ما يطلق عليك حكمه وينفذه،

⬅️ اللي يصدق إن أقوي رد فعل قمت به في حياتك وقلبها رأسا على عقب 🙃 كنت في أضعف 😔حالاتك، باختصار محتاجين نتعامل مع بني آدمين مش مع حيوانات.

بس مش هظلم الحيوانات ونرجع للإنسان اللي ربنا فضله عنها بالعقل:

انسان🤔؟ إيه معني الكلمة الغريبة دي🤔؟ وفي الزمن الأغرب ده🤔؟

انسان يعني عقل سليم مفكر و ضمير حي بيراجع صاحبه، يعني قلب فيه رحمة يعني الإحساس جين من جيناته الوراثية.

كمية الزعل اللي كانت يومها جوايا 😔خلليتني اقول : تااااااااني؟ لقد هرمنا...

✔ بس حقيقي احنا في زمن غريب، مابقاش صعب تلاقي اللي يحبك 😍 بس مستحيل تلاقي اللي يصونك ويصدقك ويقدرك ويخاف علي زعلك وعليك .

طيب حتي يتحقق ويسمع قبل ما يظلم... طيب يتعقل... طيب يفكر ...طيب يحكم ضميره... بلاش طيب يراجع إنسانيته ويحسن الظن، ده في حكمة بتقول:

" ظروف بعض البشر مدفونة في أعماقهم، فإن لم تعرفها فأكرمهم بحسن الظن"

عن نفسي شايفة اننا محتاجين ناس سهلة التعامل مش مضطرين نشرح لهم موقفنا ، أنا آخر واحدة ممكن تبرر لناس بيني وبينهم عشرة وعشم وتشرح وتوضح، لو مش هيتوقعوا خيرك قبل شرك تبقي قلتهم أحسن ، انت لو مربي حيوان ممكن يثق في ردة فعلك وتثق في ردة فعله أكتر من ناس كتير بينك وبينهم عشرة سنين.

العيش والملح طلع كدبة... العشرة تمثيلية ...والغلاوة والمودة والرحمة خلصوا...

الشخص ده☝️ نفسه أنا في يوم التمست له بدل العذر ٧٠، لما تصرف بشكل غير لائق معايا، العبرة من الموقف:

مش بس إن كل إناء بما فيه ينضح، لكن كمان الفارق الكبير بين "غريزة سليمة وعقل مريض" تتجسد بسلاسة في قصة

سيدنا نوح عليه السلام اللي نادي في الحيوانات مرة 👆ركبوا السفينة 🛶ونادي ٩٥٠ سنة في أهله ... في عشيرته ...في قومه... في الناس اللي مفترض أصحاب عقول بتميز 🤓وتقارن 🤔وتستوعب 🙂في حد يعرفه كويس ويعرف خيره قبل شره فاختاروا الغرق يبقي أشرح لمين وأبرر إيه؟ " دي غريزة سليمة أفضل من عقل مريض"

#amira_ibrahim_neues_leben


  • 1

   نشر في 02 ديسمبر 2018 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا