انا مستنيه ومش عارفه حد مستني معايا ولا لاء .
ساعات بنقرر نسكت تماما عن الكلام والافعال بنسكت وتستني كل حاجة تحصل لوحدها يمكن تعبنها وجبنا اخرنا يمكن زهقنا من كل التوقعات الغلط وخيبات الامل المتكررة في اختيارتنا اللي للاسف كنا متمسكين بيها بداية الامر او ممكن حاجة تانيه غير كل ده
في ناس سكت الحقيقة ومبقتش قادرة تعمل اي حاجة وحاسة انها مش عايزة اي حاجه و فعلا راضية بكل حاجة حصلت وهتحصل وبتحصل مع ان حاليا مفيش حاجة بتحصل حاليا والامر علي رحب السعة
حاليا بنتفرج علي حياتنا من بعيد كده وهنشوف القدر هيودينا علي فين ومش هنسال بجد خلاص هي رايحة بينا علي فين
قررنا منتعرفش علي اشخاص جديدة والله الصدفة لعبت لعبتها ولقيناهم في حياتنا خير وبركة مش موجودين مش مهم مش لازم ناس جديدة واللي خرج من حياتنا برضو ماعلينا
قررنا مش هنتعب نفسنا علي حاجة اي حاجه عايزينها هنتفرج عليها من بعيد جت او حصل حاجة قربتها مننا خير وبركة مجتش يالا مش مهم nexxxxxxxxxxxxxxxxt
بصراحة كده الحاجة اللي بنحبها يا تيجي لوحدها يا بلاها وجع قلب بقي .
مثلا يعني السعي في علاقات اجتماعية ملهاش ملامح اصلا شئ مؤذي جدا احنا في غنى عنه انا مؤمنة جدا ان التعرف علي اشخاص ويبقوا جزء من حياتنا لازم بالصدفة والقدر وان دى الحاجة الوحيدة اللي مينفعش نختار فيها لأن وبلا استثناء اختيارتنا في الاشخاص زفت
وعليها بقي حاجات كتير في حياتنا ، نحن يا سادة اصبحنا مشاهدين
احنا منتظرين رحمة ربنا اللي بكل تأكيد وسعت كل شئ
- 1
-
-
Retrophileاهذى مللاً وخيبة فلا تأخذني علي محمل الجد
التعليقات
لطرح إستفساراتكم و إقتراحاتكم و متابعة الجديد ... ! تابعنا على الفيسبوك
مقالات شيقة ننصح بقراءتها !
مقالات مرتبطة بنفس القسم
