هل الملحد من حقه يقول انه ملحد ؟
الاجابة لأ !
زى ما انت مش بتقول للناس انك مسلم إلا لو حد سألك و مش من حق حد يسأل شخص عن ديانته.
طيب ليه الملحدين بقوا نشطاء فى الالحاد و بيطلعوا فى كل حتة يشتموا الدين و كل حاجة متعلقة بالديانات ؟
الحقيقة ان الملحد فى مصر بيكون عايز يعرف كل الناس لانه بيكون شايف انه وصل للحق. عن طريق تجارب فى حياته و صلته لقناعات ... خطأ.
لأن ببساطة مش معنى انك لا تؤمن بالغيب يبقى بتنفى وجود الغد ، لا إنما الغد ات ات.
مش معنى انك مريت بحاجة و محستش بوجود الله معاك ، ده ينفى وجوده. بل يدل على بعدك عن الله وليس العكس.
مثال : لو افترضنا ان بيتك فى السويس.لكن السواق بتاع الاتوبيس نزلك فى اسماعيلية. يبقى عليك انك تجاهد و تركب حاجة تانى توديك لبيتك فى السويس. لكن اللى بيحصل مع الملحد انه بيفضل فى الشارع ف اسماعيلية،و بيفتكر ان مافيش له بيت.
تخيل لما بتحب تتعرف على حد ، هل الموضوع بيحصل بالتمنى؟ لا أكيد بتهيأ الأسباب عشان تفتح مواضيع مع الشخص اللى عايز تتكلم معاه.. طيب لو الشخص ده من اوروبا وانت مش بتعرف انجليزى ، يبقى هتتعلم لغة، يعنى لازم تجتهد ما دام نويت تتعرف عليه..
هل المسيرة التعليمية سنة واحدة و خلاص تقدر تاخد شهادة التخرج بعدها ؟ لا طبعا ما دام نويت تتعلم لازم تقبل شروط التعليم، تمر بمراحله كلها لحد ما تتخرج..
اللى بيحصل مع الملحد انه بيوصل لمرحلة من الفكر و يتوقف عندها يعنى نموه الفكرى بيتوقف و مش بيكمل الطريق للاخر . بل بالعكس بيؤكد على معرفته و يبدا يبنى عليها.
هذا المقال لا يعتمد على الاستشهاد بالدين لفهم الحقيقة و لكن يعتمد على العقل فمن منا لا يؤمن بوجود اب لمجرد انه ولد يتيم.
-
على نور الدينإن عالم “الواقع” لا يكفى وحده لحياة البشر إنه أضيق من أن يتسع لحياة إنسانية كاملة !
التعليقات
أخى أكرر على حضرتك محاولة الكتابة باللغة العربية فالعامية مكانها الحوار الشفهى وليس الكتابة للقراء .. تحياتى