French kiss: the film - مقال كلاود
 إدعم المنصة
makalcloud
تسجيل الدخول

French kiss: the film

الحب للحبيب الأفضل

  نشر في 30 ديسمبر 2018 .

French kiss: the film 😉"

( الحب للحبيب الأفضل مش الأول )

فيلم 🎞 قديم شوفته كتير وأجمل ما فيه هو لقاء بين Meg Rayn وبطل الفيلم ع العشا، محور الفيلم كان في مشهد انفصالهم قبل الزفاف 👰 مباشرة وده لأن البطل وقع في حب 😍 بنت تانية ومش عاوز يتم إجراءات الارتباط 💍 بالبطلة.

برغم الصدمة 😯 والوجع😥 والقلب اللي في ثانية انكسر 💔 إلا إنها عملت نفس اللي ميرفت أمين عملته في فيلم " آسفة أرفض الطلاق " لما رفضت أن زوجها ينهي علاقتهم من طرف واحد في وقت هي لسه متمسكة به، Meg Ryan بدأت تطارد حبيبها بهدف انها تفضل معاه ورفضت تبعد عنه ولما سافر فرنسا لحبيبته الجديدة سافرت وراه...

أحداث كتير ومطاردات أكتر يمكن لأنها متمسكة به ويمكن لأنها عاوزة تعرف ليه حب عليها واتغير فجأة ويمكن ويمكن ويمكن....

بس الجميل مع تصاعد الأحداث إن البطلة بدأت واحدة واحدة تتغير وتفهم شخصية حبيبها وتتضح أمور كتير أدام عيونها 🤨، وبعد وصولها فرنسا قابلت غيره واللي فضل جنبها وساعدها وبشكل مفاجئ حبته😍 وحبها🤩 وبدأت تنور من جديد.

لما حصل وقابلت حبيبها القديم في مشهد العشا واتفاجئ بها مختلفة كتير عن الصورة اللي هو متوقعها ومتخيلها، يعني اكيد إنها انكسرت واتوجعت وتعبت لما سابها فلما يقابلها هيلاقيها مطفية وتعبانة مهزوزة وضعيفة لكنها كانت مش كده... كانت مختلفة... كانت مش مكسورة...

ولأن الرجل بطبعه طماع سألها " ليه مش انا؟ ليه ماكنتش أنا ؟"

هو متأكد إن النور اللي علي ملامحها واللي بيلمع في عينها 🤩 هو نور طاقة حب❤، وعشان كده كان غيور 😡 من إن حد غيره عرف يضيئ النور ده جواها.

فكرة الفيلم جميلة وفي #وجهة_نظري بتصدر فكرة: " اهربوا ":

⬅️ من حب بيكسر ويوجع وعند أهم مرحلة بيخذلك...

⬅️ من اللي بيطفي شعلة النور اللي جواك...

⬅️ من اللي بيأذيك بدون أي رحمة لمجرد إنه ضامن مغفرتك...

⬅️ من اللي خسرت معاه مش بس نفسك كمان خسرت الأمان...

⬅️ من اللي بسبب غدره بتبهت أدام عنيك كل ألوان الدنيا...

⬅️ من اللي تصرفاته بتخلليه يقل من نظرك مش بس بتزعلك...

⬅️ من اللي بيستهون بوجع قلبك وتهون عليه :

Manche treten dir auf die Füße und entschuldigen sich, andere treten dir ins Herz ❤ und merken es nicht einmal!

استمرارك مع شخصية بالمعطيات دي معناه إنك بتوجع نفسك يمكن تكون مش مستعد للبعد ولا واثق إنك هتقدر أصلا تبعد، قرار صعب بس صح جدا.

🤔 هو ليه صعب؟

✔ لأن شبح " ياتري" هيفضل يخوفك ليل ونهار...

✔ لأن ال disappointments كانت كتير أوي...

✔ لأن الصدمة الناتجة عن الموقف بتخلليك تتقوقع علي نفسك من كتر ما هي مرهقة...

✔ لأن فكرة Start from zero نفسها متعبة وصعبة أوي عليك...

✔ لأن فكرة إنك تقبل حد جديد في حياتك نفسها غير مقبولة أو مش سهلة: مش هتكون مؤهل تشرح لحد وتحكي وتبرر، هيكون صعب تقول إيه اللي يسعدك 😃 أو يضايقك 😡، هيكون صعب ترتب زحمة كتير جواك عشان تلاقي مكان لحد جديد أو لحب ❤ جديد، صعب لكن حقيقي مش مستحيل ⛔، وبهجة 😊 البداية الجديدة تستحق والتجربة اللي علي أساس دايما بتنجح ✔ وحياتك هترجع تنور 🤩.

طيب هي البطلة نورت اذاي 🤔🤔🤔؟

نورت بقرار:

⬅️ لما خرجت برة حبستها وشافته علي حقيقته...

⬅️ لما وقف جنبها اللي مد لها إيده طول فترة الألم...

⬅️ لما بذكاء وحب قدر يكون لها مرور آمن من شرنقة الصدمة...

⬅️ لما حست بتركيزه علي فك طوق العتمة اللي كان مغمي عنيها وخانق رقبتها...

⬅️ لما لاحظت فارق الأسلوب بين اللي كسر واللي كسب قلبها...

في النهاية فهمت إنه ماكانش حب ومافيش حب للحبيب الأول، الحب للحبيب اللي يستاهل 👍 اللي يوفي ومش بيتخاذل، الحب للحبيب الأفضل👍 مش للحبيب الأول!

" French kiss: the film "

#amira_ibrahim_neues_leben



   نشر في 30 ديسمبر 2018 .

التعليقات

يا أمير ، انت اميرة بما كتبته ، ولكننا نفرق بين واجبات القلب وواجبات العقل : القلب به الحياة والعقل للعقلانية والالتزامات ، مثل الشركة ، قد لا نحب العمل بالشركة ولكنها توفر لنا 80% مما نحن بحاجة إليه واما مشاعر القلب والتي يغلب فيها إحساس الحب فيمكننا ان نتنازل عنه لانه يمتد الى حب من نوع اخر ، حب الولد والبنت .
0
أميرة أحمد
مع حضرتك حق فعلا وجهة نظر سليمة جدا

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا