مصر امي ان قلت اني ولدها
وان قلت ابنها فى الحنان الجميل
يا بلد العجايب في الرواة والغزاة
يا بلد الخير لما يكون بايد الفقير
ولما الكباش تندبح متكونش فدا
فيك البراءة كلها فيك الحماية من العدا
بس اللى حاميكي مني مش فاهم كدا
ارض خضرا والعتبة خضرا ياولا
ادخل على السجاد صلي صلاتك
وادعي ربنا يرحمك يا ارض النجيل
غابت فصول العلام فى القرى والنجوع
ظهر الكلام على الوجوه شق الخطوط
فلاح اصيل كده وتعبه دام سنين
راح العلام طب يبقى ع الاقل الكلام
الحب ليك يا بلد وانا الفلاح ومش هقول غلبان
انا لما بازرع باكلك وعمرى ماكون منان
انا لما بزرع بذرة الامل فى حبة القمح
بقول دى لابني او لامي ويمكن للجيران
فولة واتقسمت نصين فى الحنان
انا وارضي يابلد في حنيتي عليكي
الماية منك بس شقت ايدي طريقها ليكي
يا مصر انني الولد صاحب الفرشة الجميلة
انا الفنان لما بكتب بدور فيكي على الريحه
انا الغلام اللي كبر على ايديك صار رجوله
والمثقف لما بستعرض كتاب بقول حبيبه
ارجع وادور على التاريخ واشفوك هناك
حبيبة بس اهلك جاروا على حبي فهواك
باعدو بينا بالفواصل وخلوا الحرف مقطعه
كل الكلام فى حروفه مش مكتمل بحبك
باعدو بين حروفها ودسو بينها اسمك
-
شاعر النيلأودعت قلبى إلى من ليس يحفظه أبصرت خلفى وما طالعت قدامى